Жетісу облысында ПД ЕҚҚІҚБ және кәмелетке толмағандар арасындағы құқық бұзушылықтардың алдын алу жөніндегі учаскелік инспекторлары прокуратурамен бірлесе отырып, ата-аналар жиналысын өткізді, – деп хабарлайды Polisia.kz.
Іс-шара балалар мен жасөспірімдер арасында нашақорлықтың алдын алуға арналған өзекті мәселелерді талқылауға арналды.
70 ата-ананың қатысуымен өткен жиналыста есірткінің зияны мен балалардың салауатты өмір салтын қалыптастыру қажеттілігіне ерекше назар аударылды. Спикерлер балаларды қорғау және олардың үйлесімді дамуы үшін жағдай жасауға бағытталған тұрақты жұмыс жүргізудің маңыздылығын атап өтті. Балалар мен олардың болашағына қамқорлық жасау — салауатты әрі табысты ұлтты қалыптастырудың негізі екендігі айтылды.
Осындай іс-шараларды ұйымдастыру арқылы полиция, прокуратура және басқа да ведомстволардың қызметкерлері ата-аналарды ықтимал қауіптер туралы хабардар етіп қана қоймай, кәмелетке толмағандарды олардың өмірі мен денсаулығына қауіпті жағдайларға тартудың алдын алуға қабілетті профилактика мен қолдаудың тиімді жүйесін құруға ұмтылады.
