Жезқазғанда көлік ұрлаған ер адам ұсталды, – деп хабарлайды Polisia.kz.
24 ақпанда Қарағанды облысы Жезқазған қаласының Полиция басқармасына 44 жастағы қала тұрғыны жүгінген. Жәбірленушінің айтуынша, бір мекеменің аумағынан белгісіз біреу Mazda көлігін ұрлап кеткен.
Жезқазған қалалық ПБ патрульдік полиция батальонының қызметкерлері жедел-іздестіру іс-шараларының барысында 58 жастағы ер адам басқарған көлікті құрықтады. Ұсталған адам кінәсін мойындады. Ұрланған көлік иесіне қайтарылды.
ҚР ҚК-нің 200-бабы (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу) бойынша қылмыстық іс қозғалды. Қазіргі уақытта тергеу амалдары жүргізілуде.
