Жезқазған қаласында жас жол инспекторларының қалалық слеті өтті, —деп хабарлайды Polisia.kz.
Ұлы Жеңістің 80 жылдығы мен Ата Заңның 30 жылдығына арналған іс-шара №8 гимназияда ұйымдастырылды.
Слеттің мақсаты – оқушылардың жолдағы мәдениетін қалыптастыру, жол-көлік оқиғаларының алдын алу және жас жол инспекторлары жұмысын жандандыру.
Қатысушылар "Жол жүрісі қағидаларының білгірлері", "Үгіт-насихат байқауы", “Велосипедті мәнерлеп жүргізу, “Автоқалашықта велосипедпен жүру”, "Жас реттеуші", "Білгірлер турнирі" және "Жас санитар" номинациялары бойынша бақ сынасты.
Барлық қатысушылар 7 номинация бойынша арнайы дипломдармен марапатталды. Бұл слет балалардың жол ережелерін білуі мен қауіпсіздігін арттыруға зор ықпал етті.
