Жоғалған екі баланы шымкенттік полицейлер тапты, – деп хабарлайды Polisia.kz.
2021 жылдың 30 мамырында «102» нөміріне Шымкент қаласының тұрғыны «Қайтпас-2» шағынауданында өзінің үш жасар ұлы мен қызының жоғалып кеткені туралы хабарлаған.
Ата-анасының айтуынша, балалар үйінің алдында ойнауға шығып, жоғалып кеткен. Анасы өзі ары-бері іздеп, бір сағаттай уақытын жұмсайды. Іздеуден нәтиже шықпағаннан кейін, полицейлерден жәрдем сұрайды.
Аталған жайт бойынша Шымкент ҚПД Қаратау АПБ-ның қызметкерлері жедел-іздестіру іс-шарасын жүргізді. Нәтижесінде полицейлер тез арада адасып жүрген балаларды тауып, ата-анасына аман-есен табыстады.
