Жүргізуші куәлігінен айырылған павлодарлық қыз көлік басқарған жерінен ұсталды, - деп хабарлайды Polisia.kz.
Автокөлік апаттарының көбеюі көбінесе жол жүру ережелерін сақтамаумен қатар, мас күйінде көлік жүргізуден туындайды. Бұл құқық бұзушылықтар көбінесе қайғылы жағдайларға әкеліп, көптеген адамдардың өмірін қиып кетеді.
- Павлодар қаласында Абай көшесіндегі үйлердің біріне қарама-қарсы жерде полиция қызметкерлері BMW-320 автокөлігін тоқтатты. Құжаттарды тексеру барысында полиция қызметкерлері жүргізушінің мас күйінде екендігін сезді. Ол медициналық куәландыру нәтижесімен расталды. Әйелдің мас күйінде көлік жүргізгені анықталды. Полиция дерекқорын тексеру барысында оның 2024 жылдың қыркүйегінде жеті жылға жүргізуші куәлігінен айырылғаны белгілі болды. Қазіргі уақытта әйелге қатысты тексеру жүргізілуде, ал көлік мамандандырылған тұраққа қойылды, – деді Павлодар облысының полиция департаменті.
Әрбір адам өз жақындары мен таныстарын ойлап, көлік құралын мас күйінде жүргізуге жол бермей, бұл әрекетті тоқтату үшін күш салуы тиіс. Сондай-ақ мас күйінде көлік жүргізіп жүрген адам туралы полицияға хабарлау қажет. Мас жүргізушілердің көлік жүргізуі қауіпті болғандықтан, бұл мәселеге бей-жай қарамай, ішімдікке қарсы күреске қосылуымыз керек. Мас күйінде көлік жүргізушілер туралы ақпаратты полицияға "102" нөмірі арқылы жеткізуге болады.
Есіңізде болсын, байқампаздық адамның өмірін сақтап қалады, себебі мас күйінде көлік жүргізген адамның көлігінің астында сіздің балаларыңыз, туыстарыңыз немесе жақындарыңыз болуы мүмкін. Жол полициясы мұндай ақпаратты алған кезде жедел әрекет етіп, мас жүргізушілерді ұстайды, осылайша қорқынышты жол апаттарының алдын алады.
"Заң және тәртіп" қағидаты ішкі істер органдарының азаматтардың қауіпсіздігін қамтамасыз етуге, қоғамдық тәртіп пен жол қауіпсіздігін сақтауға бағытталған қызметінің негізі болып табылады. Құқық бұзушылар өз әрекеттері үшін міндетті түрде жауап береді.
