Ұлытау облысы Жезқазған қаласының полицейлері жаяу жүргіншілердің 350-ден астам жол жүру ережелерін бұзушылығын анықтады, – деп хабарлайды Polisia.kz.
Алайда көлік жүргізушілері сияқты, жаяу жүргіншілер де жол ережелерін бұзып, өздеріне және басқаларға қауіп төндіруі мүмкін. Жаяу жүргіншілердің жол ережесін бұзуы жолдың белгіленбеген жерден өтуінен бастап, бағдаршам сигналдарын елемеуге дейін жалғасады. Жаяу жүргіншілердің жол ережесін сақтамауы жаяу жүргіншілердің өздеріне қауіп төндіріп қана қоймай, сонымен қатар көлік құралдарының қатысуымен болатын апаттар қаупін арттырады.
Патрульдік полиция жаяу жүргіншілерге үнемі ескерту жасап, ереже бұзушылықтарды анықтап қауіпсіз жол қозғалысын құруға бағытталған іс-шаралар өткізіп жатыр.
Бұл іс-шаралар апаттардың алдын алу үшін ғана емес, сонымен қатар жаяу жүргіншілер арасында жол қауіпсіздігі мәдениетін қалыптастыру үшін де маңызды.
Жыл басынан бері Жезқазған қаласы ПБ патрульдік полициясы жаяу жүргіншілер жасаған 350-ден астам бұзушылықтарды анықтап, әкімшілік хаттамалар толтырған.
– Жаяу жүргіншілердің жол ережесін бұзуы жол қозғалысының барлық қатысушылары үшін ауыр зардаптарға әкелуі мүмкін және біздің жұмысымыз осындай жағдайлардың алдын алуға бағытталған, – деп атап өтті патрульдік полиция инспекторы.
Патрульдік полиция жол қозғалысының барлық қатысушыларын – жүргізушілер мен жаяу жүргіншілерді ережелерді сақтауға және жолдарда өзара құрмет көрсетуге шақырады.
