Қызылорда қалалық Полиция басқармасы бастығының бұйрығына сәйкес жыл қорытындысы бойынша патрульдік полиция батальоны қызметкерлерінің арасында қызметтік міндеттерін үлгілі атқарып, қызметте жоғарғы көрсеткіштерімен ерекшеленіп жүрген қызметкерлер марапатталды, – деп хабарлайды Polisia.kz.
Кәсіби шеберлік пен қырағылық танытып, заңдылықтың бұзылуына жол бермей, қылмыстардың ізін суытпай ашуда кәсіби шеберлік танытқандары үшін патрульдік полиция батальонының бірқатар қызметкерлері алғыс хаттармен марапатталды.
Марапатталғандар қатарында взвод командирі Самат Кадиров, инспектор Азамат Тасанов, инспектор Мұрат Үсенов, инспектор Бақыт Беймбетов бар.
Қазіргі уақытта өмірлерін қауіп-қатер тіге отырып, міндеттерін адал атқарып жүрген полицейлер жетерлік. Олар бүгінгі күннің қаһармандары.
Сонымен қатар құрметті зейнет демалысына шыққан ІІО-ның бес ардагері марапатталды.
Басқарма басшылығы марапаттарды тапсыра отырып, қызметкерлерге мықты денсаулық пен күш-қайрат тіледі.
