Алматыда құны 800 мың теңге болатын аккумуляторды ұрлаған күдікті ұсталды, – деп хабарлайды Polisia.kz.
29 жастағы алматылық қоймадан құны 800 мың теңге болатын аккумуляторларды ұрлаған.
– Райымбек даңғылында орналасқан қоймадан аккумуляторларды ұрлады деген күдікпен криминалдық полиция бөлімінің қызметкерлері Т.есімді азаматты ұстады. Қазіргі уақытта қоймаға заңсыз кіру арқылы төрт аккумулятор ұрлығы анықталды. Бұл дерек сотқа дейінгі тергеудің бірыңғай тізіліміне ҚР ҚК-нің 188-бабы 3-бөлігі бойынша тіркелді. Күдікті аталған қылмыстарды жасауға өзінің қатысы барын толық мойындады, – деді Әуезов аудандық Полиция басқармасының бастығы Ұлан Әбілқайыр.
Қазіргі уақытта күдікті уақытша ұстау изоляторына қамалды. Ал тергеушілер оның қала аумағында осыған ұқсас басқа да қылмыстарға қатысы бар-жоғын тексеріп жатыр. Оның қорытындысы бойынша процессуалдық шешім қабылданатын болады.
