Семейде зейнеткер-сутенер притон ұстағаны үшін сотталды, – деп хабарлайды Polisia.kz.
Семей қаласының пробация қызметіне 62 жастағы әйел есепке алынды. Ол қаланың сауналарының бірінде притон ұйымдастырған. Зейнеткер интим саласында қызмет көрсетуді ұйымдастырды деп айыпталды.
Әйел әкімші болып жұмыс істеген саунаға К. есімді азамат клиент ретінде келіп, сотталған А. есімді әйелдің интимдік қызмет алу мүмкіндігі бар-жоғын сұраған. Оған әйел осы саунаның ішінде орналасқан бөлмеде интимдік қызмет көрсететін Б. есімді «жұмысшымен» кездесу ұйымдастырған. Осыдан кейін олар сағатына 15 мың теңге сомасына келісті. Сауна әкімшілігі «жұмысшыға» көрсеткен қызметтері үшін 3 мың теңге төлеген. Қызметті алғаннан және төлегеннен кейін К. есімді клиент «102» арнасына қоңырау шалып, болған оқиға туралы хабарлаған. Ол үшін әйел ҚР ҚК-нің 309-бабының 1-бөліміне сәйкес (Жезөкшелікпен айналысуға арналған притондарды ұйымдастыру немесе ұстау және жеңгетайлық) бойынша сот үкімі бойынша екі жылға бас бостандығынан айырылды. Сондай-ақ ҚР ҚК-нің 63-бабының негізінде жаза пробациялық бақылау белгіленіп, шартты деп саналды.
Есепке қойылғаннан кейін аталған әйел ықтимал салдармен таныстырылды. Пробациялық бақылаудан жалтарған жағдайда жазаны өтеу шарттары мен тәртібі және сот үкім бойынша тағайындаған міндеттерді орындамаған жағдайда, шартты соттылығы жойылып түзеу мекемесіне жіберіледі, – деп атап өтті Абай облысы бойынша ҚАЖ департаменті Семей қаласының Затон аудандық пробация қызметі бастығының орынбасары Ерлан Кадырманов.
