Солтүстік Қазақстан полицейлері спорттағы дарынды балаларға арналған облыстық мамандандырылған мектеп-интернат оқушыларына арналған «Көңілді бастаулар» эстафетасын ұйымдастырды, – деп хабарлайды Polisia.kz.
Орта буынның 60-қа жуық оқушысы спорттық ойындарға қатысып, күш, ептілік, жылдамдық пен командалық рухты, ең бастысы — есірткіге орын жоқ өмірдің қуанышын көрсетті. Эстафета қорытындысы бойынша бірінші орында «Қызылдар» командасы, екінші және үшінші орынды «Динозаврлар» мен «Барыс» иеленді. Барлық командаға спорттық жүлделер, ал жеңімпаздарға СҚО ПД есірткі қылмысына қарсы іс-қимыл басқармасы бастығының грамоталары берілді.
«Есірткісіз болашаққа» ұранымен ұйымдастырылған шара Халықаралық нашақорлыққа қарсы күрес күніне дайындалуға арнаған айлықтың қарсаңында өтті.
– Есірткінің заңсыз айналымы фактілерін анықтау және жолын кесу бойынша жедел жұмыстан басқа, полиция қызметінде нашақорлықтың алдын алу маңызды орын алады. Салауатты өмір салты идеяларын енгізу арқылы ғана есірткі сатушылардың жолын орауға болады. Айлық аясында өскелең ұрпақ үшін көптеген іс-шара өткізіледі, сондықтан жас солтүстікқазақстандықтарды әлі де көптеген қызықты, эмоционалды жарқын оқиғалар күтіп тұр, – дейді СҚО ПД есірткі қылмысына қарсы іс-қимыл басқармасының бастығы Иван Терзиди.
5 ай ішінде СҚО полицейлері заңсыз айналымнан 600 келіден астам түрлі есірткі, оның ішінде 1 келіден астам синтетикалық есірткі тәркіледі.
