Ақтөбе облысында төтенше жағдайлар кезінде 1021 тәртіп бұзушылық анықталды, – деп хабарлайды Polisia.kz.
Полиция қызметкерлері еріктілермен бірге төтенше жағдай режимін бұзуды анықтау жұмыстарын жалғастыруда.
25 сәуірге Ақтөбе облысында тәртіп сақшылары ТЖ режимін бұзудың 1021 фактісінің жолын кесті, оның ішінде ҚР ӘҚБтК 476 бабы бойынша (ТЖ режимін бұзу) – 979 құқық бұзушылық, оның ішінде 195 адам қамауға алынды, 230 айыппұл салынды, 509 ескерту жасалды, 36 материал сотқа жіберілді.
ҚР ӘҚБтК 478-бабы бойынша (ТЖ жағдайында құқық тәртібін бұзуға итермелейтін іс-әрекеттер) 42 бұзушылық анықталды, оның ішінде 21 айыппұл салынды, 21 қамауға алынды.
Мысалы, Бөгенбай батыр көшесінде полиция қызметкерлері 34 жасар ер адамды тоқтатты, ол қоғамдық орындарда мас күйінде карантин режимін бұзған. Ер адамға ҚР ӘҚБтК-нің 476 бабы 6 тармағы бойынша әкімшілік хаттама толтырылды. Әкімшілік сот құқық бұзушы 10 АЕК-ке (27.780 теңге) әкімшілік айыппұл салды.
Азаматтардың блок-бекеттерін заңсыз айналып өту фактілері орын алуда, мұндай бұзушылықтардың саны 64-ге жетті. Облыстың бас санитарлық дәрігерінің қаулысының 6.3-тармағын бұзғаны үшін тұраққа 170-тан астам автокөлік орналастырылды.
Полиция департаменті қала тұрғындарын қабылдап жатқан шараларға түсіністікпен қарауды сұрайды. Осы іс-шаралардың барлығы инфекцияны таратпаудың алдын алу мақсатында өткізіледі. Қауіпсіздік шараларын сақтауды, жеке қорғану құралдарын (маскалар мен медициналық қолғаптар) киіп жүруді, аса қажетсіз далаға шықпауды сұраймыз. Өзіңізді және жақындарыңызды қорғаңыз.
