Ақтөбе облысында жүргізуші көлікті басқару құқығынсыз жол-көлік оқиғасын жасаған, - деп хабарлайды Polisia.kz.
30 шілде күні сағат 23.20-да Қандыағаш қаласында "Ваз-2109" автокөлігінің 20 жастағы жүргізушісі Сейфуллин көшесі бағытында Торайғыров көшесінің жолын кесіп өтіп, екінші жолаққа шығып, келе жатқан көлік құралына жол бермей, 31 жастағы жүргізушінің басқаруындағы "Тойота-Камри" автокөлігімен соқтығысқан.
Жол-көлік оқиғасы қорытындысында "Ваз-2109" автокөлігінің жүргізушісі әртүрлі дене жарақаттарымен Мұғалжар ауданының (Қандыағаш қ.) орталық аудандық ауруханасына жеткізілді.
Сондай-ақ, "Ваз-2109" көлік жүргізушісінің көлік құралын басқаруға құқығы жоқ екені анықталды.
