СҚО Полиция департаментінің бастығы азаматтарды қабылдады, – деп хабарлайды Polisia.kz.
СҚО Полиция департаментінің бастығы Айдын Қабдұлдинов Петропавлда азаматтарды жеке қабылдауды өткізді. Мәселелерін айтуға 5 адам келді. Қабылдау бейнеконференцбайланыс режимінде өтті, онда азаматтар қылмыстық істерді тергеу жайында, кадр мәселелері бойынша кеңес алу сияқты сұрақтарын қойды. Жүгінген әр адамға сауалы бойынша нақты жауаптар берілді. Мәселелерді тиімді шешу үшін түскен өтініш құзіретіне кіретін қызметтің басшылары қатысты.
Оның алдында облыстық полиция ведомствосының басшысы жеті ауданда болып, жеке қабылдаулар өткізген болатын. Азаматтарды жеке қабылдау полиция қызметінің жағдайымен танысуға шыққан жұмыс сапары барысында өтті. Айдын Қабдұлдиновтың сөзінше, адамдармен жеке кездесу – заманауи полицей жұмысының маңызды бөлігі. Халықтың мұң-мұқтажынан, қоғамдағы жағдайдан хабардар болу, азамттармен сенімді байланыс орнату – сервистік полицияның берік іргетасын қалау деген сөз.
Облыстық полиция ведомствосының басшысы азаматтарды жеке қабылдауды сәрсенбі күндері жүргізеді. Қабылдауға 8 (7152) 39-40-20, 39-41-63 телефон нөмілері бойынша жазылуға болады. ПД бастығы орынбасарларының қабылдау кестелері мен байланыс телефондары департаменттің интернет-порталында жарияланған. Аумақтық бөлініс басшыларының азаматтарды қабылдау кестесі облыстық полицияның әкімшілік ғимараттары фойесінде орналастырылған.
