Қарағанды облысында мал шаруашылығы фермасын «жекешелендіріп» алған кәсіпкер анықталды, – деп хабарлайды Polisia.kz.
21 ақпанда Қарағанды облысы Нұра ауданының полиция бөліміне 48 жастағы ер адамнан арыз түсті. Ол мал өсірумен айналысатынын түсіндірді. Арызданушы уақытша бос тұрған мал фермасына барып, оның жоғалып кеткенін анықтаған. Белгісіз біреу осы жерде орналасқан барлық құрылыстарды бұзып, алып кеткен. ҚР Қылмыстық кодексінің 188-бабы (Ұрлық) бойынша қылмыстық іс қозғалды.
26 ақпанда жедел-іздестіру іс-шаралары барысында криминалдық полиция қызметкерлері күдікті 59 жастағы кәсіпкерді анықтап, ұстады. Ұсталған күдікті кінәсін мойындады. Қазіргі уақытта тергеу амалдары жүргізілуде.
