СҚО-да мемлекеттік қызметшілер арасында өткізілген спартакиадада ҚАЖ қызметкерлері жүлдегер атанды, – деп хабарлайды Polisia.kz.
Спартакиаданың мақсаты – денсаулықты нығайту, дене шынықтырумен және спортпен белсенді айналысу үшін жағдай жасау, салауатты өмір салтын қалыптастыру және спорт шеберлігін арттыру.
Жарысқа Солтүстік Қазақстан облысы әкімдігінің, облыстық атқарушы органдардың, облыстық аумақтық органдардың, аудандар мен Петропавл қаласы әкімдіктерінің командалары, құқық қорғау және арнайы мемлекеттік органдардың командалары қатысты.
Жарыс қорытындысы бойынша СҚО бойынша Қылмыстық-атқару жүйесі департаментінің командасы спорттың бірнеше түрі бойынша жүлдегер атанды. Волейбол және шағын футбол бойынша екінші орынды жеңіді.
СҚО бойынша ҚАЖД ЕС-164/6 мекемесінің бақылау қызметі бөлімінің бақылаушысы Өмірзақ Қайырбек 74 келіге дейінгі салмақта қазақ күресінен бірінші орынды иемденсе, СҚО бойынша ҚАЖД ЕС-164/6 мекемесінің МБКК орынбасары Ердос Қалиұлы 90 келіге дейінгі салмақта екінші орынды жеңіп алды.
74 келіге дейінгі салмақта үшінші орынды СҚО бойынша ҚАЖД ЕС-164/1 мекемесінің режим және күзет бөлімінің аға бақылаушысы Ниязбек Жолдыбаев қанжығаға байлады, ал ҚАЖД ЕС-164/1 мекемесінің режим және күзет бөлімінің бақылаушысы Әлібек Ишанов 100 келіге дейінгі салмақта үшінші орынды иемденді.
СҚО бойынша ҚАЖД қызметкерлері кубоктармен және грамоталармен марапатталды.
