Қызылордада полицейлер атыс қарулары жасырылған орынды анықтады, – деп хабарлайды Polisia.kz.
ҚР ІІМ-нің және Қызылорда облысы Полиция департаментінің қызметкерлерімен бірлесіп жүргізілген жедел шаралар барысында қала шетіндегі далалық жерден түрлі атыс қарулары жасырылған орын анықталды.
Аталмыш жерден шолақ мылтық, тапанша, оқтар, асхана пышағы, арнайы құралдар: каска, резеңке таяқ, темір қол кісен және арнайы киім алынды.
Аталған дерек бойынша сотқа дейінгі тергеп-тексеру әрекеттері басталды. Тексеру жұмыстары жүргізілуде. Жасырын жерден алынған заттардың нақты тиістілігін тергеу анықтайды.
