Зорлау қылмысы бойынша кінәлі деп танылған сотталған қалай жаза басқанын айтты, – деп хабарлайды Polisia.kz.
Ол Қазақстанға маусымдық жұмыс жасауға бір жыл рұқсат мерзіммен келген болатын. Өзбекстандағы ауылында жұмыс көзі болғанмен, жанұясын материялдық жағынан қамтамасыз етуге жетпеді. Отбасында науқас анасы, үш бауыры, әйелі мен ұлы бар. Досының Қызылордада тұратын танысы базар маңында тандыр нан сататын сауда орнын ашатындығын айтып, бұл екеуін шақыртқан болатын.
Жататын орны, тамағы тегін болды. Ай сайынғы табысын, әйеліне жіберіп тұрды. Шетел азаматы ретінде, барлық тексеріс талаптарына сай, еш заң бұзбастан, алаңсыз жұмыс жасап жатты. Бірақ бір кештегі ойланбай жасаған әрекеті, оны қылмыскер атандырып, теміртордан бірақ шығарды.
– Сол күні менің жанымдағы бірге жұмыс жасайтын Ғ-ның дос келіншегі бізді туған күніне шақырды. Күнделікті бір сарынды жұмыстан шаршап кеткен соң біраз көңілімді көтерейін деп келісе кеттім. Барсақ, дастархан басына бес-алты жан ғана жиналыпты. Ішіп-жеп, танысып білістік. Содан ащы суды көп ішіп қойдым ба, көзім бұлдырап, басым айналды. Қарасам, қасымда теріс қарап, кішкентай сары келіншек отыр. Басқа ешкім жоқ. Ол да масаңдау екен. Шайтан ой түртіп, қылымсыған сары келіншекті өзіме қарай тарттым. Қарсыласып еді, еркектік күшімді қолдандым. Екі күннен кейін базардағы жұмыс орныма құқық қызметкері келіп, менің үстімнен С. есімді азаматшадан зорлау фактісі бойынша арыз түскендігін айтып, жауап алу үшін өздерімен бірге баруымды сұрады. Мен өз кінәмді бірден мойындадым. Жасаған қылмысым үшін сот үкімімен ҚР ҚК-нің 120-бабының 1- бөлігі бойынша 5 жылға бас бостандығымнан айырылдым. Осылайша нан табамын деп келіп, нәпсінің құлы болдым. Аз күндерден соң бостандыққа шығамын. Әйелім мені кешірді. Бес жыл бойы артымнан келіп-кетіп тұрды. Балама, туыстарыма Қазақстанда жұмыс жасап жүр деп жасырып келіпті. Еліме оралған соң отбасымды қуантып өмір сүремін. Алдағы уақытта жақындарымды ұятқа қалдыратын іс-әрекетке бармаймын, – дейді сотталған.
