Таразда ардагер полицейлер арасында шахмат турнирi өтті, – деп хабарлайды Polisia.kz.
Тараз қаласында Қазақстан полициясының 30 жылдық мерей тойына және елорда күнiне орай Жамбыл облысы iшкi iстер органдары ардагерлері арасында шахматтан турнир өткізiлдi.
Аталмыш жарыста ардагер полицейлер ойшылдықтары мен қырағылықтарын танытып, тартысты ойын көрсетті.
Нәтижесінде ең үздік комбинациялар құрып, қарсылас шақ келтірмеген Талғат Сәулебаев 1-орынды жеңіп алса, жүлделі 2-орын Тiлеуқұл Құдайбергеновке бұйырды. Ал 3-орынды тең дәрежеде нәтиже көрсеткен Темірхан Наржанов пен Орынбай Рысбаев өзара бөлісіп алды.
