Түркияға арзан жолдама алмақ болған ақтаулық әйел алаяққа алданып қалды, – деп хабарлайды Polisia.kz
Ақтау қаласының Полиция басқармасына алаяқтан зардап шеккен жергілікті тұрғын арыз жазды. Алаяқ әйел демалыс маусымын пайдаланып, Түркияға арзан жолдама уәде етіп, жәбірленушінің 350 мың теңге көлеміндегі ақшасын алып, уәдесінде тұрмаған. Криминалдық полиция қызметкерлері бұл қылмысқа қатысы бар 36 жастағы азаматшаны анықтап, ұстады.
Аталған дерек бойынша Қылмыстық кодекстің 190-бабының 1-бөлігі (Алаяқтық) бойынша сотқа дейінгі іс жүргізу басталды. Өзге ақпарат тергеу мүддесінде жария етілмейді.
