Павлодар полицейлері аязда далада қалған мысықтарды паналатты, — деп хабарлайды Polisia.kz.
Павлодарда полицейлер аязды ауа райында тәртіп сақшыларына өздері келген марғауларды паналатты. Енді оларға бүкіл бөлімше қарайды.
– Мен батальонның бақылау-өткізу пункті қызметіне кірдім. Кезекшілік кезінде бейнебақылау камераларын қарадым. Түнде марғаулардың қақпаның жанында мияулап жатқанын байқадым. Сыртқа шығып, қақпаны аштым, үшеуі қарда бұралып жатты. Мен оларды қолыма алып, жылы гаражға әкелдім. Әріптестеріммен бірге оларды жылытып, тамақтандырдық. Бұрышта уақытша тұрғын үй мен жатақхана ұйымдастырылды. Өзімнің сары түсті орамалымды мысықтардың астына жылы және жұмсақ болу үшін төседім, – дейді Павлодар қаласы ПБ Патрульдік полиция батальоны қызметінің инспекторы Тимур Жулаев.
Батальон қызметкерлері ауысымға келіп, оларға тамақ пен сүт әкеледі. Біздің марғауларымызды тәттілермен тамақтандырады. Үшеуіне де полицейлер ат қойды. Оларды Персик, Апельсинка және Мандаринка деп атайды.
Полиция қызметкерлерінің айтуынша, марғаулар өте белсенді және мейірімді. Персик пен Апельсинка отбасын тауып полиция қызметкерлерінің пәтерлеріне көшті.
– Менің балаларым мысық туралы көптен бері армандаған. Персикті үйге апардым. Персик жаңа отбасына тез үйренді. Ол қазір біздің отбасымыздың мүшесі. Өте мейірімді және көңілді марғау. Біз бірден ол үшін жұмсақ төсеніш пен тырнау бағанасын, сондай-ақ тостағандар мен түрлі тәттілерді сатып алдық, – дейді Павлодар қаласы ПБ БПП қызметінің инспекторы Рахым Ибраев.
Мандаринка жақын уақытта жаңа үйге барады. Полиция қызметкері пәтеріндегі жөндеу жұмыстарын аяқтап, оны отбасымен қауыштырады.
