СҚО-да тіркемелі КамАЗ кюветке түсіп кетті, – деп хабарлайды Polisia.kz.
Қатқан мұз Мамлютка – Қостанай тас жолында КамАЗ жүргізушісіне кедергі келтірді. Тіркемесі бар үлкен жүк Дубровный ауылының маңындағы 31 шақырымдық автожолға түсті. Жүргізуші 112 арнасына хабарласқан соң құтқарушылар хабарламаны полицейлерге жеткізді.
Оқиға орнына СҚО ПД патрульдік полиция батальонының экипажы Әміржан Таккужин мен Азамат Қуанышев келді. КамАЗ көлігін шығару үшін үш бірлік ауыр техника қолданылды. Тәртіп сақшылары екі трактор ұсынған «Аби-Жер» ЖШС директоры Владимир Грачевке жүгінді. Кейін бұл жерге жол-пайдалану учаскесінің басшылығы жіберген КамАЗ әкелінген. Полиция қызметкерлері көмек көрсетіп, жұмыс барысында жол қауіпсіздігін қамтамасыз етті. 61 жастағы жүргізуші оған көмектескендердің барлығына жылы лебізін білдіріп, Петропавлдан Қостанайға дейінгі жолын жалғастыра алды.
– Жүргізушілерді жолда жүргенде өте сақ болуға шақырамыз. Температураның өзгеруі мұздың пайда болуына әкеледі. Бұл жағдайда тежеу қиын, сондықтан жылдамдық режимін және көлік құралдары арасындағы қашықтықты сақтау қажет. Әсіресе елді мекендердің жанында аса қырағылық танытыңыз. Сақтық танытып, жол қозғалысы ережелерін ескеріңіз, — дейді СҚО ПД патрульдік полиция батальонының командирі Валихан Оразалин.
