СҚО полиция департаменті бастығының жедел жұмыс жөніндегі орынбасары тағайындалды, – деп хабарлайды Polisia.kz.
Солтүстік Қазақстан облысы полиция департаменті бастығының жедел жұмыс жөніндегі орынбасары лауазымына полиция полковнигі Асқар Мұхаметқалиев тағайындалды.
СҚО ПД бастығы Айдын Қабдұлдинов оны жеке құрамға таныстырды.
Асқар Мұратұлы Мұхаметқалиев 1983 жылы 2 наурызда Алматы облысында дүниеге келген. Ішкі істер органдарында 2000 жылдан бастап қызмет етіп келеді. Еңбек жолын жедел уәкіл қызметінен бастаған. Әр жылдары әртүрлі, соның ішінде басшылық лауазымдарда қызмет атқарған. Соңғы екі жыл шамасында ҚР ІІМ есірткі қылмысына қарсы іс-қимыл департаменті бастығының орынбасары қызметін атқарды.
СҚО ПД бастығының жаңадан тағайындалған орынбасары жедел қызметтердің қызметіне жетекшілік ететін болады: криминалдық полиция басқармасы, ұйымдасқан қылмысқа қарсы күрес басқармасы, есірткі қылмысына қарсы іс-қимыл басқармасы, экстремизмге қарсы іс-қимыл басқармасы және т.б.
Бұған дейін СҚО ПД бастығының орынбасары қызметін атқарған Руслан Назаров ҚР ІІМ криминалдық полиция департаменті бастығының орынбасары қызметіне ауыстырылды.
