СҚО полицейлері отбасылық жанжалқойларға отандық триллерді көрсетті, – деп хабарлайды Polisia.kz.
Солтүстік Қазақстан полицейлері «Новый свет» кинотеатрының әкімшілігімен келісім бойынша ерекше киносеанс ұйымдастырды. Тұрмыстық зорлық-зомбылықтың алдын алу бойынша жұмыс аясында көрермендер залына Петропавлдың 19 тұрғыны шақырылды, олар отбасылық-тұрмыстық қатынастар саласындағы құқық бұзушылықтар үшін бірнеше рет жауапкершілікке тартылған. Оларға танымал «Дәстүр» кинофильмі көрсетілді.
Отбасылық зорлық-зомбылық тақырыбының тыйым салынуы оның отандық кинода нашар зерттелгендігінде де байқалады. Ерекше көрермендерге эмоционалды әсер қалыптастыру үшін психологиялық-мистикалық триллер таңдалды. Ол зорлық-зомбылық құбылысын және оның психикаға зиянды әсерін зерттейді.
Сондай-ақ фильмді көруді ұйымдастыруға «Аманат» партиясы облыстық филиалының Жастар қанаты – «Жастар рухы» өкілдері және СҚО «Халық Ұрпағы» Ассамблеясының қазақ қауымының төрағасы Гүлбахша Мұсабаева да қатысты. Жұртшылық өкілдері полицейлерге тұрмыстық зорлық-зомбылықтың алдын алуға белсенді жәрдемдеседі.
СҚО ПД ЖПҚ басқарма бастығының міндетін атқарушы Александр Розбахтың хабарлауынша, 2023 жылы облыс аумағында отбасылық-тұрмыстық қатынастар саласында жасалған қылмыстардың 11,3%-ға, яғни 53-тен 47-ге дейін төмендеуі байқалады. Отбасылық-тұрмыстық қатынастар саласындағы бұзушылықтар бойынша 2419 әкімшілік құқық бұзушылық тіркелді. Жанжалқойларға қатысты 2508 қорғау ұйғарымы шығарылды. Тұрмыс саласындағы әкімшілік құқық бұзушылықтар бойынша соттар құқық бұзушылардың мінез-құлқына 735 ерекше талап қойылды.
Тәртіп сақшылары тұрмыстық зорлық-зомбылық фактілерін жасырмауға, полицияға немесе «111» республикалық сенім телефонына жүгінуге шақырады.
