Петропавлда полицейлер жасөспірімдерге электр самокаттарды қалай пайдалану керектігін айтып берді, – деп хабарлайды Polisia.kz.
Петропавл қаласының оқу орындарында полиция қызметкерлері жаппай ақпараттық түсіндіру жұмыстарын өткізді. Екі күн ішінде кәмелетке толмағандардың істері жөніндегі және патрульдік полиция батальонының инспекторлары мен бөлім бастықтары қаланың 36 мектебі мен колледжінде болды. Құқықтық тақырыптағы дәрістер жастар ортасы үшін аса өзекті мәселелерге қатысты болды.
Олардың ішінде – электр самокаттары мен басқа да шағын көлік құралдарын пайдалану ережелері бар. Жол бойымен 18 жастан бастап жүруге болатынын білу маңызды. Жолаушылар мен жүктердi тасымалдауға тыйым салынады. Тротуарларда жаяу жүргіншілерге кедергі келтіруге болмайды. Ол үшін сағатына 6 шақырымнан аспайтын жылдамдықпен қозғалу қажет. Жаяу жүргіншілер өткелдерінде, велосипедтегідей, көлік құралынан түсіп, самокатты рульден ұстап өткізу керек.
Көрнекілік үшін тәртіп сақшылары жоғары сынып оқушылары мен колледждерінің бірінші курс студенттеріне электросамокатты басқару кезінде рұқсат етілмеген және тыйым салынған заттар туралы түсірілген бейнероликтерді көрсетуде.
– Кез келген қозғалыс құралын басқару кезінде жол қозғалысы ережелерін зерделеу және толық көлемде қатаң орындау қажет. Сонымен қатар дәрістерде біз терроризм актісі туралы жалған ақпарат беру, есірткі тарату, қорқытып алу үшін қылмыстық жауапкершілік сияқты тақырыптарды да қозғаймыз, – дейді жасөспірімдердің құқықтық сауаттылығын арттыруға жеке құраммен бірге қатысқан Петропавл қаласы полиция басқармасы жергілікті полиция қызметі бөлімі ювеналды полиция бөлімінің бастығы Жанат Мұстафина.
Полиция қызметкерлері өскелең ұрпақтың құқықтық сауаттылығы – қоғамның болашақ тұрақтылығының негізі деп санайды. Жастармен ақпараттық жұмыс жалғасып, облыс орталығының барлық оқу орындарын қамтуды жоспарланған.
