СҚО полицейлері жаңа оқу жылы қарсаңында балаларға жол ережесін сақтаудың маңызы туралы айтты, – деп хабарлайды Polisia.kz.
Көлік саны жыл сайын артып келеді. Сонымен қатар электр көліктерінің әртүрлі түрлерін қолдану аясы да артқан. Осыған байланысты жаңа оқу жылы қарсаңында жол-көлік оқиғаларының алдын алу және балалардың жол-көлік жарақаттануының алдын алу мақсатында жергілікті полиция қызметінің қызметкерлері білім басқармасымен бірлесіп, балалармен және олардың ата-аналарымен түсіндіру жұмыстарын жандандырды.
Жол қозғалысының жас инспекторлары қалалық патрульдік полиция батальонының офицерімен бірге облыс орталығының орталық көшелерімен жүріп, құрдастарына тақырыптық жадынамалар мен буклеттер таратты.
Осы жылдың жеті айында Солтүстік Қазақстан облысының жолдарында кәмелетке толмағандардың қатысуымен 55 ЖКО тіркелді, соның салдарынан бір бала қаза тауып, 65 бала жарақат алды. 1 қыркүйек қарсаңында полиция қызметкерлерінің алдында мынадай міндеттер тұр: балалардың жол-көлік жарақатын азайту; балалар сабаққа сақадай сай болуы.
СҚО-да жас жол инспекторларының 287 жасағы жұмыс істейді, онда 4 мыңнан астам мектеп оқушысы бар. Жас инспекторлар құрдастарына жолдағы қауіпсіздік дағдыларын үйретеді, викториналар, конкурстар ұйымдастырады, плакаттар салады және жалпы полиция қызметкерлеріне белгілі тақырып бойынша үгіт-насихат шараларында өте тиімді көмектеседі. Жас жол инспекторлары олардың жұмысы айналасындағыларға пайда әкелетініне және жолдарда зардап шеккендермен болған жол-көлік оқиғаларының азаятынына сенімді.
