Семейде алимент төлеуден жалтарған ер адам жауапқа тартылды, — деп хабарлайды Polisia.kz.
Семей қаласының 38 жастағы тұрғыны алты жыл бойы алимент төлеуден жалтарып, тоғыз жасар ұлына бес млн теңгеге жуық қарыз болды. Ол үшін 100 сағатқа мәжбүрлі еңбекке тарту арқылы бас бостандығын бір жылға шектеуге үкім шығарылды.
Жазаны орындау үшін сотталған адам пробация қызметіне есепке қойылды, онда оған оның құқықтары мен міндеттері түсіндірілді. Бірақ онымен жүргізілген профилактикалық әңгімелерге қарамастан сотталған адам пробациялық бақылау талаптарын бұзды, атап айтқанда ол тіркеуге келмеген және жауапқа тартылды ол үшін бас бостандығын шектеу өтелмеген мерзімге бас бостандығынан айыруға ауыстырылды.
— Жазасын өтеу үшін ол Семей қаласындағы орта қауіпсіздік мекемесіне келіп, кір сабын өндіретін цехқа жұмысқа орналасты, алимент төлейтін болады, — дейді мекеме бастығы Жеңіс Дәуренбеков.
— Әйеліммен некеде біз шамамен үш жыл өмір сүрдік. Жас кезде ақша тауып, тапқанымызды ойынға тіктік. Пробация қызметінде есепте болған кезде жазаны өтеудің ауырлығын түсінбедім, - деп бөлісті сотталған.
