Маңғыстау облыстық ПД-да салтанатты марапаттау рәсімі өтті, – деп хабарлайды Polisia.kz.
Маңғыстау облысы полиция департаментінде Қазақстан Республикасы Конституциясының 30 жылдығына арналған салтанатты іс-шара өтті. Департамент бастығы Сағындық Аяғанов жеке құрамды мемлекеттік мерекемен құттықтап, қызметтері үшін алғыс білдірді.
ҚР ішкі істер министрі Ержан Саденовтің бұйрығымен 22 қызметкер, Маңғыстау облысы ПД бастығы Сағындық Аяғановтың бұйрығымен 25 қызметкер марапатталды.
Сонымен қатар 23 ІІО ардагері марапатталды. Оларға құрмет грамоталары мен алғыс хаттар табысталды. Бұл марапат КСРО ІІМ-нің еңбек сіңірген қызметкері, ҚР ІІМ-нің құрметті ардагері, "Қазақстанның ІІО және Ұлттық ұлан ардагерлері ұйымы" қоғамдық бірлестігінің төрағасы Өмірзақ Болсамбековтің атынан берілді.
