Полиция қызметкері кикбоксингтен Қазақстан Республикасы кубогында жеңіске жетті, – деп хабарлайды Polisia.kz.
Петропавлда кикбоксингтен Қазақстан Республикасы Кубогы өтті. Жарыс халықаралық дәрежедегі спорт шебері Азамат Нұрпейісовті еске алуға арналды және Қазақстан Республикасы Тәуелсіздігінің 34 жылдығына орай ұйымдастырылған "Қызылжар" турнирі аясында өткізілді.
Рингке еліміздің 9 өңірінен 100-ден астам спортшы шықты. Тартысты жекпе-жектер нәтижесінде өз салмақ дәрежесінде бірінші орынды Солтүстік Қазақстан облысы полиция департаменті арнайы жедел қимылдайтын арнайы жасағының командирінің орынбасары, полиция қызметкер Ибрагим Беков иеленді.
Жарыстар жоғары қарқында өтіп, қатысушылардан жігер, барынша шоғырлану, төзімділік пен тактикалық дайындықты талап етті. Әрбір жекпе-жек күшті, техниканы және психологиялық тұрақтылықты сынады.
Арнайы мақсаттағы бөлімшеде қызмет атқару мен тұрақты жаттығулар полиция қызметкерлеріне жоғары спорттық дайындық деңгейін сақтауға және республикалық жарыстарда сенімді өнер көрсетуге мүмкіндік береді.
Полиция қызметкері Ибрагим Беков спорт мінезді шыңдайтынын, тәртіп пен жауапкершілікке үйрететінін атап өтті. Оның айтуынша, полиция қызметкерлерінің жеке үлгісі жастарды белсенді әрі салауатты өмір салтын ұстануға ынталандырады.
