Қарағанды облысында сотталғандар балабақша бүлдіршіндеріне сыйлық табыстады, – деп хабарлайды Polisia.kz.
Қарағанды облысында №35 мекеме сотталғандары "Қуаныш" балабақшасының тәрбиеленушілеріне тарту жасады.
Сыйлық — бұл эмоцияның, мейірім мен ықыластың ерекше көрінісі. Кейде сезімді сөзбен жеткізу қиын болған сәттерде, сыйлық шынайы махаббаттың, алғыстың және қолдаудың белгісіне айналады.
Осы игі ниеттің жарқын көрінісін №35 мекеменің сотталғандары көрсетті. Олар "Қуаныш" балабақшасының тәрбиеленушілеріне арнап өз қолдарымен музыкалық аспаптар, оқу-сабаққа арналған үстелдер, сондай-ақ балалардың демалуына арналған жайлы диван жасап шығарды.
Бұл бастама тек материалдық көмек қана емес, сонымен қатар адамгершілік құндылықтарды дәріптейтін, қоғамға пайдалы еңбек арқылы түзелу жолының бар екенін көрсететін маңызды қадам болды.
Мұндай игі істер балаларға қуаныш сыйлап қана қоймай, мейірім мен жақсылықтың әрқашан өз орнын табатынын тағы бір мәрте дәлелдейді.
