Полиция есірткіге қатысты қауіпті белгілерге назар аударуды ескертеді, – деп хабарлайды Polisia.kz.
Кейде қайғы үнсіз келеді. Дабыл қақпай, ескертусіз. Ол үйге байқатпай енуі мүмкін — жақын адамыңыздың мінез-құлқы, көңіл күйі мен сыртқы келбетінің өзгеруі арқылы.
Жетісу облысы бойынша есірткі қылмысына қарсы іс-қимыл басқармасының қызметкерлері алдын алу мақсатында арнайы бейнеролик дайындады. Онда ерекше назар аударуды қажет ететін алаңдатушы белгілер нақты әрі түсінікті түрде көрсетілген. Бұл дабылдарды елеусіз қалдыруға болмайды, себебі дер кезінде әрекет ету адам өмірін сақтап қалуы мүмкін.
Қауіпті белгілердің қатарында үйден заттардың жоғалуы, жалпы жағдайдың күрт нашарлауы, терінің бозаруы, тырнақтардың сарғаюы бар. Жиі байқалатын жайттар — жүйкелік күйзеліс, көздің тартылуы, себепсіз күлкі, қалтырау, агрессивті мінез-құлық және психоэмоционалдық тұрақсыздық. Адам тұйықталып, ашушаң бола бастайды, өз эмоцияларын бақылаудан айырылады.
Егер күдік туындаған жағдайда дәріханаларда еркін сатылатын экспресс-наркотесттер бар. Олар тыйым салынған заттардың ағзада бар-жоғын тез әрі анонимді түрде анықтауға мүмкіндік береді. Бұл мәселені түсінудегі алғашқы қадам әрі дер кезінде көмекке жүгінуге жол ашуы мүмкін.
Алдын алу — қорқыту да, айыптау да емес. Бұл — назар, ашық диалог және жауапкершілік. Бейжай қалмаңыздар. Кейде бір ғана байқалған өзгеріс өмірді сақтап қалуға бастар алғашқы қадам болуы мүмкін.
