Қарағанды облысында ҚАЖ қызметкерлері арасында шаңғы тебуден спартакиада өтті, – деп хабарлайды Polisia.kz.
2026 жылғы 6 ақпанда Италияда басталатын қысқы олимпиада ойындары қарсаңында қазақстандық спортшыларды қолдау, патриоттық рухты нығайту және жеке құрам арасында салауатты өмір салтын насихаттау мақсатында Қарағанды облысы және Ұлытау облысы бойынша Қылмыстық-атқару жүйесі департаментінің, сондай-ақ оның ведомстволық бағынысты бөлімшелерінің қызметкерлері арасында шаңғы жарысынан спартакиада өткізілді.
Аталған спорттық іс-шара ҚАЖ департаментінің әртүрлі құрылымдық бөлімшелерінің қызметкерлерін біріктіріп, командалық бірлік, ерік-жігер мен жеңіске деген ұмтылыстың жарқын үлгісіне айналды. Қатысушылар жоғары деңгейдегі дене дайындығын, төзімділікті және өзара үйлесімді әрекетті көрсете отырып, жарыс қашықтығын абыроймен еңсерді.
Шаңғы спартакиадасы салауатты бәсекелестік пен спорттық рух атмосферасында өтіп, ұжымдардағы жағымды моральдық-психологиялық ахуалды қалыптастыруға және корпоративтік рухты нығайтуға ықпал етті. Мұндай іс-шаралар қызметкерлердің физикалық даярлығын арттырып қана қоймай, патриоттық тәрбиенің маңызды құрамдас бөлігі ретінде қызмет етіп, спортта да, қызметтік қызметте де жаңа жетістіктерге жетуге жігерлендіреді.
Жарыс қорытындысы бойынша жеңімпаздар мен жүлдегерлер құрмет грамоталары мен жүлделі орындармен марапатталды. Ұйымдастырушылар осындай спорттық іс-шаралар алдағы уақытта да дәстүрлі түрде жалғасып, құқық қорғау органдары қызметкерлері арасында бұқаралық спорттың дамуына серпін беретініне сенім білдірді.
