Батыс Қазақстан облысының тұрғындары жолда көмек көрсеткен атыраулық тәртіп сақшыларына алғысын білдірді, – деп хабарлайды Polisia.kz.
31 қаңтар күні сағат 23:00 шамасында Атырау-Орал тас жолында қызмет атқарған Атырау облысы Қызылқоға аудандық ПБ патрульдік полиция қызметкерлері Миялы ауылының тұсында қарға батып қалған Камаз автокөлігін көріп, көлікті шығару бойынша шаралар қабылдаған.
Боранды күні жүк көлігінің істен шыққанын байқаған полиция қызметкерлері далада тоңып қалған екі жүргізушіге ыстық шай ұсынып, көліктерін жолға шығаруға көмектесіп, оларды әрі қарай шығарып салған.
Полиция қызметкерлерінің қамқорлығы мен көрсеткен көмегіне риза болған жүргізушілер тәртіп сақшыларына алғыстарын жеткізді.
