Алматы полициясы шұңқырға түсіп кетіп, қайтыс болған балалардың әкесін қалай құтқарғандарын айтты

Алматы полициясы шұңқырға түсіп кетіп, қайтыс болған балалардың әкесін қалай құтқарғандарын айтты, – деп хабарлайды Polisia.kz.

Патрульдік полицияның екі экипажы дабылды қоңырауға дереу жауап берді. Бұл тура кешкі сегіз де болды.

– Кезекші жедел уәкілден қоңырау түскеннен кейін бірнеше минуттан соң біз оқиға орнында болдық. Сырттағы дәретханаға бірнеше адамның құлап кеткені туралы бізге хабарланды. Оның қорабы алынып тасталды, шұңқырға баспалдақ түсірілді. Бірінші болып төменге полиция капитаны Мұрат Кәкібеков түсті. Біз баспалдақ пен оның қолынан қатты ұстадық. Тереңдігі шамамен үш метр, ол 1,5 метр деңгейінде толтырылған. Мұрат ер адамның қолынан ұстап үлгерді. Оны шығарып алды. Капитан Кәкібековті бірден полиция аға лейтенанты Мадияр Төлембаев ауыстырды. Ол бір жасар қызды тауып, шығарып алды. Бірақ, өкінішке орай, бала қайтыс болды. Осы кезде құтқарушылар келді. Олар 56 жастағы әйел мен 12 жасар баланың денесін шығару үшін арнайы құралдарды қолданды. Отбасы үшін ауыр, орны толмас шығын, – деді Патрульдік полиция полкінің взвод командирі Асыл Разбек.

Құтқарылған ер адам, полицияның хабарлауынша, жедел жәрдемге тапсырылып, шұғыл ауруханаға жатқызылды.

– Қайғылы жағдайдың бейнесін қалпына келтіру барысында кешке үйдің ауласында ойнап жүрген бір жасар қыздың байқаусызда көшедегі дәретханаға түсіп кеткені анықталды. Мұны көрген оның 66 жастағы әжесі мен 12 жасар інісі көмекке жүгіріп келді, олар сәбиді шығарғысы келді, бірақ шұңқырға түсіп кетті. Содан кейін балалардың 41 жастағы әкесі көмекке келді. Дәретхана жәшігін лақтырып жіберіп, кәріз құдығына түсіп кеткен балалары мен анасын сол жерден шығаруға тырысқан. Алайда ол да есінен танып қалды, – деді Наурызбай АПБ-ның бастығы Дидар Аханов.