Ақтөбе облысында алаяқ сегіз адамды алты миллион теңгеге алдап кетті, – деп хабарлайды Polisia.kz.
Ағымдағы жылғы 2 тамыз күні №1 қалалық полиция бөліміне 36 жастағы жергілікті тұрғын хабарласты. Оның айтуынша, белгісіз адам оның сеніміне кіріп, алдау жолымен ақшасын иемденген.
Жедел-іздестіру шаралары барысында күдіктінің жеке басы анықталды. Ол 55 жастағы жергілікті тұрғын болып шықты. Күдікті айналма ақша сылтауымен жәбірленушіден үлкен көлемде ақша алған. Жалпы шығын 577 мың теңгеден астам құрады.
Сондай-ақ күдіктінің сегіз ұқсас қылмысқа қатыстылығы анықталды, жалпы шығын – 6 миллион теңгені құрады.
Аталған фактілер негізінде ҚР ҚК 190-бабы 3-бөлігі (Алаяқтық) бойынша қылмыстық іс қозғалды.
