Абай облысында түнгі уақытта көшеде жүрген 370-ден астам жасөспірім ұсталды, – деп хабарлайды Polisia.kz.
Жыл басынан бері Абай облысында кәмелетке толмағандардың түнгі уақытта ата-анасының немесе заңды өкілдерінің еріп жүруінсіз үйден тыс жерде болуының 370-ден астам фактісі анықталды. Көбінесе жасөспірімдер кафелерде, түнгі және ойын клубтарында, сондай-ақ көшеде жүреді.
Қолданыстағы заңнамаға сәйкес кәмелетке толмағандар сағат 22:00-ге дейін ата-анасыз ойын-сауық орындарында бола алады. Балалардың түнгі 10-нан таңғы 6-ға дейінгі кезеңде болу фактілерін анықтау ата-аналарына айыппұл түрінде әкімшілік жауаптылыққа әкеп соғады. Қазақстан Республикасының Әкімшілік құқық бұзушылық туралы Кодексіне сәйкес әкімшілік айыппұл мөлшері үш айлық есептік көрсеткішті немесе 11 076 теңгені құрайды. 18 жасқа толмағандар ата-анасыз үйден тыс жерде болған жағдайда сағат 23:00-ден 06:00-ге дейін ескерту түрінде әкімшілік жаза қолдануға әкеп соғады.
Жыл басынан облыс бойынша жасөспірімдердің түнгі уақытта ойын-сауық орындарында болуының 22 фактісі анықталды.
Сондай-ақ түнгі рейдтік іс-шаралар барысында полицейлер бір жыл ішінде қайталанған бұзушылықтардың 40 фактісін анықтады.
Балалардың қараңғыда ата-анасыз ойын-сауық орындарында және қоғамдық орындарда болуы қылмыс пен құқық бұзушылықтардың қауіптілігі мен жоғары ықтималдығына әкеледі.
Мәселен, қаңтар айында жасөспірімдерге қатысты 20 ұсақ бұзақылық және 27 алкогольдік ішімдік ішу дерегі анықталды.
