Алматы облысының полицейлері есірткі зертханасын жойды, – деп хабарлайды Polisia.kz.
Алматы облысы Полиция департаментінің есірткі қылмысына қарсы іс-қимыл жөніндегі қызметкерлері жасырын есірткі өндірісін жойды.
– Аталған дерек бойынша ұсталғандар синтетикалық есірткілерді өндіру және өткізу фактілерін анықтау мақсатында өткізіліп жатқан «Дәрмек» арнайы операциясы барысында полицияның назарына ілікті. Тінту кезінде екі есірткі зертханасынан 5 килограмнан астам синтетикалық есірткі, прекурсорлар және басқа да синтетикалық есірткі дайындау үшін қажетті құралдар тәркіленді, – деп хабарлады облыстық Полиция департаменті.
Қазіргі уақытта күдіктілер УҰИ-ға қамаққа алыгып, өз кінәларын толық мойындап отыр. ҚР ҚК-нің 297-бабы 1-бөлігі «Есірткі заттарын заңсыз өткізу» бойынша сотқа дейінгі тергеу амалдары басталды.
