Алматы облысының полицейлері зейнеткердің 22 бас жылқысын тауып берді, – деп хабарлайды Polisia.kz.
2 қарашада Райымбек АПБ кезекші бөліміне Сарыбастау ауылының 70 жастағы тұрғыны құны 10 400 000 теңге тұратын «Қарабастау» мал жайылым учаскесінен 22 бас жылқы ұрланғаны туралы айтып жүгінді. Өтініш берушінің айтуынша, жайылымда жылқыларды соңғы рет 30 қазанда көрген. Аталған факт ҚР ҚК 188-1-бабы 4-бөлігі бойынша СДТБТ-де тіркелді.
Табынды іздеу үшін полицейлер жалпы саны 12 адамнан тұратын «Нива» автокөлігімен төрт мобильді топ құрды. Сонымен қатар, оларға екі волонтер мен учаскелік инспекторлар көмектесті.
Іздеуді қылмыстық іздестіру бөлімінің бастығы басқарды. Екі күннен кейін белсенді жұмыс нәтижесінде полицейлер Сарыбастаудан 25 шақырым жерде «Қабанды» учаскесінде жайылып жүрген барлық 22 жылқыны таба алды. Қуанған иесі алаңдаушылық білдіргені үшін кешірім сұрап, полиция қызметкерлеріне алғыс айтты. Қылмыстық іс тоқтатылды.
Қараусыз қалдырылған жануарлардың иесіне қатысты ауыл шаруашылығы жануарларын жаю ережелерін бұзғаны үшін ҚР ӘҚБтК-нің 408-бабының 1-бөлігі бойынша әкімшілік хаттама толтырылды.
