Алматы полициясы орталық стадионның киім ауыстыратын бөлмесінде жүрген ұрыны ұстады, – деп хабарлайды Polisia.kz.
Сотқа дейінгі тергеу шеңберінде жедел іс-шаралар жүргізу барысында полиция қызметкерлері спорт кешені аумағында бірқатар ұрлық жасады деген күдікпен 19 жастағы Б.есімді ер адамды анықтады.
– Біріншіден, біз осы қылмыстардың жасалу әдісін анықтадық. Ол бір орындаушыға тиесілі болды. Осы талдауға сәйкес жаттығу кезінде қаскөй стадионға келіп, жан-жағына қарап, қараусыз қалған заттарға жақындап, ең құнды затты, көбінесе ұялы телефондар мен басқа да қондырғыларды алып, содан кейін тыныш кетіп қалып жүрген. Спорт кешенінің тұрақты адамы ұсталды. Жас жігіт өз кінәсін мойындап, бес адамның мүлкін ұрлауға қатысы барын растады. Аталған эпизодтар бір өндіріске біріктіріліп, ҚР ҚК-нің 188-бабы 3-бөліміндегі қылмыс негізінде тергеліп жатыр. Ұсталған адам уақытша ұстау изоляторына қамалды, – деді Бостандық аудандық ПБ жанындағы полиция бөлімінің бастығы Ғалым Қасымбаев.
