Алматы полициясының басшысы «Integrity Check» тексерісі нені көрсеткенін атады, – деп хабарлайды Polisia.kz.
Алматы қалалық полиция департаментінің басшысы халық алдындағы есеп беру кездесуінде өз қатарында немқұрайлы қызметкерлердіңқалай анықталатынын айтып берді.
– Мемлекет басшысы 2022-2026 жылдарға арналған сыбайлас жемқорлыққа қарсы саясат Тұжырымдамасын бекітті, оны жүзеге асыру үшін құқық қорғау органдарында адалдықты тексеру механизмі немесе «Integrity Check» енгізілді. Ішкі істер министрінің нұсқауымен ІІМ орталық аппаратының қызметкерлері біздің Алматы полициясында да адалдыққа, қарым-қатынастағы әдептілікке және азаматтардың өтініштеріне жедел ден қоюға тексеру жүргізді. Тәжірибе көрсеткендей, жұмыстың бұл түрі және азаматтармен қарым-қатынаста егжей-тегжейге назар аудару жеке құрамды тәртіпке келтіріп қана қоймайды, сонымен қатар профилактикалық әсер көрсетеді және қызметкерлеріміздің жауапкершілігін арттырады. Айта кетейін, иә, біз «өте жақсы» деген баға алмадық, бірақ бұл сынақтан өттік. «Көш жүре түзеледі», – демекші біз үшін ең объективті баға – бұл қоғам берген баға, – деді, Арыстанғани Заппаров.
Сондай-ақ ол цифрландыру аясында қаланың аудандары бойынша талдау бағдарламасы әзірленгенін, ол аумақтық бөлімшелердің әрбір басшысына қылмыс деңгейін ғана емес, сонымен қатар құқық қорғау қызметіне қатысатын әрбір патрульдік полиция қызметкерін KPI бақылауға мүмкіндік беретінін айтты.
