Алматы полициясының модульдік посттары карантиндік шараларды сақтауға шақырады, – деп хабарлайды Polisia.kz.
Алматы қаласының Полиция департаменті мүдделі мемлекеттік органдармен бірлесіп, халық арасында ақпараттық-түсіндіру жұмыстарын, оның ішінде дауыс зорайтқыш байланыс арқылы жүргізеді.
– Азаматтардың көп жиналатын жерлеріне орналастырылған стационарлық полиция бекеттерінде күшейткіштер жұмыс істейді, олардың көмегімен халық жеке қауіпсіздік шаралары мен санитарлық-гигиеналық нормалардың сақталуы туралы хабардар етіледі. Сонымен қатар, СМУ-дің бірнеше көлігі қаланы карантиндік жағдайлар туралы хабардар ету үшін жүреді, – деді Алматы қалалық ПД Жергілікті полиция қызметі басқармасының бастығы Манап Саттаров.
Сондай-ақ, Алматы полициясы азаматтар арасында түсіндіру жұмыстарының күшейтілгені туралы хабарлады.
– Ең алдымен, біз бетперде режимін сақтау туралы айтамыз, ол бүгінде азаматтарды жеке қорғаудың негізгі әдістерінің бірі болып табылады. Осыған байланысты, азаматтардың жаппай жүретін орындарында түсіндіру жұмыстары күшейтілді. Құқық қорғау органдарының қызметкерлері бетперде режимін, әлеуметтік қашықтықты және карантиндік шараларды қатаң ұстануға шақырады. Маңызды, әрбір адам қауіптің әлі өтпегенін және қорғаныс құралдары инфекцияның таралуын барынша азайтуға көмектесетінін түсінуі маңызды. Белгісіз себептермен бетперде режимін сақтамай жүрген азаматтарға, инспекторлар медициналық бетперделерді тағып жүруді ескертіп, бетпердені ұсынады. Мұндай шаралар барлық жерде жүргізілуде, – деп түйіндеді Манап Саттаров.
