Алматы полициясының қоғамдық көмекшілері 10 миллион теңгеден астам соммаға көтермеленді, – деп хабарлайды Polisia.kz.
Алматы облысында жергілікті полиция қызметінің хабарлауынша, бүгінде мүдделі қызметтермен және ведомстволармен бірлесе отырып, қоғамдық тәртіпті және азаматтардың қауіпсіздігін қамтамасыз етуге, полицияның қоғамдық көмекшілерінің қызметін қалпына келтіруге қоғамды тарту бойынша жұмыстар жүргізілуде.
– Жалпы, Алматы қаласында полицияға көмек көрсететін сегіз қоғамдық бірлестік бар, барлығы 502 адам. Сонымен қатар, сегіз аймақтық полицияға көмек көрсету штабы, бір заңдылық пен тәртіпті қорғауға көмек беретін Алматы қалалық қауымдастығы, үш студенттік құқық қорғау жасақтары (105 мүше). Сондай-ақ, қауіпсіздік қызметі субъектілері есебінен қоғамдық тәртіпті қамтамасыз етуге күн сайын 10 консьерж және 56 қоғамдық көмекші қатысады. Полицияның қоғамдық көмекшілері учаскелік полиция инспекторларымен бірге саябақтар мен алаңдардың көшелерін патрульдеу жұмыстарына үнемі қатысады, «мүлдем төзбеушілік» қағидатына қатысты ұсақ құқық бұзушылықтарды анықтауға белсенді қатысады. Жыл басынан бері олардың қатысуымен 55 қылмыс ашылды және 5 мың 728 әкімшілік құқық бұзушылық анықталды, – деді, Алматы қалалық Полиция департаменті бастығының бірінші орынбасары Нұрлан Алмасбеков.
Сондай-ақ, бөлімде қоғамдық тәртіпті қорғауды қамтамасыз етуге белсенді қатысқаны үшін қала әкімдігіне 10 миллион 169 мың теңге көлемінде ақшалай сыйлықақымен көтермелеу үшін 323 қоғамдық полиция көмекшісіне ұсыным жіберілгені туралы ақпарат берілді.
