Алматыда есірткі зертханасы жойылды, – деп хабарлайды Polisia.kz
Есірткі қылмысымен күресушілердің хабарламасында көрсетілгендей, қылмыстық әрекетті 33 жастағы С.есімді азамат жасаған. Оның Mercedes автокөлігін полиция қызметкерлері Достық даңғылы мен Омарова көшесінің қиылысында тоқтатты.
Іс-шараны Алматының жедел уәкілдері ҚР ІІМ Есірткі қылмысына қарсы күрес департаментіндегі әріптестерінің көмегімен жүргізді.
С.есімді азаматты жеке тінту және автокөлікті тінту кезінде ішінде заты бар изолентаға оралған 85 бума табылып, тәркіленді.
Ұсталған азаматтың айтуынша, мәселе Алматы қаласы мен Алматы облысына одан әрі тарату үшін сақтап қойған мефедрон және марихуана туралы болған. Анықталғандай, күдікті синтетикалық шөпті өзі жасаған.
Осы мақсатта ол Алматы облысы Тұздыбастау ауылында жеке тұрғын үйді жалға алған. Рұқсат етілген тінту кезінде жалға алынған тұрғын үйден зертханалық жабдықтар, шыны тостағандар мен кристалды заттар салынған металл қаңылтырлар, канистрдегі әртүрлі сұйық және ұнтақ химиялық заттар, ұнтақ заттар салынған полиэтилен байламдар, электронды таразылар, магниттік араластырғыш және 300 қапшықтар табылып, тәркіленді.
Сараптама қорытындысына сәйкес тәркіленген мефедронның жалпы салмағы 15 келі 200 грамды құрады.
Жауап алу кезінде өндіруші лаборант пен курьер жұмысы үшін жақсы жалақы алғанын айтты. Жұмыс беруші зертхана үшін баспананы да жалға алып берген.
Аталған дерек бойынша Медеу аудандық Полиция басқармасы сотқа дейінгі тергеу амалдарын жүргізіп жатыр.
Қылмыстық іс ҚР ҚК-нің 297-бабы 3-бөлігі бойынша тіркелді. Күдікті қамауға алынды.
