Алматыда пәтер тонаған теміртаулықтар ұсталды, – деп хабарлайды Polisia.kz.
Қазіргі уақытта айыпталушылар қаланың көпқабатты үйлері көптеп орналасқан орындарда болған тоғыз пәтер тонауына қатысы бар екендігі дәлелденді.
– Бәрінен бұрын бұл топ қаланың Бостандық, Әуезов, Алмалы және Жетісу аудандарында жүрген. Оның құрамына – Қарағанды облысы, Теміртау қаласының үш тұрғыны кіреді, олардың екеуі бұрын мүліктік қылмыс жасағаны үшін сотталған. Күдіктілер жалдамалы пәтерде ұсталды. Дәл сол жерде, рұқсат етілген тінту кезінде «пәтер ұрылары» басқа адамдардың үйіне баратын кезінде қолданған кілттер, шебердің кілттері және басқа да қолданатын құралдар тәркіленді, – деді Алматы қалалық ПД бастығының орынбасары Берік Әбілбеков.
Бостандық аудандық ПБ жанындағы полиция бөлімінің мәліметінше, соңғы қылмысты күдіктілер 20 сәуірде жасаған. Күндізгі сағат төрттер шамасында олар кілт таңдау арқылы Сыпатаев көшесіндегі үйлердің біріне кіріп, сол жерден 300 мың теңге мен алтын бұйымдарды ұрлап кеткен.
– Қазіргі уақытта басқа қылмыстық эпизодтарды, сондай-ақ ұрланған мүлікті сату арнасын анықтауға бағытталған жедел-тергеу іс-шаралар кешені жүргізілуде. Күдіктілер қамауға алынды, – деді Б. Әбілбеков.
