Алматыда қылмыстық ахуал тұрақты, – деп хабарлайды Polisia.kz.
2022 жылдың қорытындысы бойынша қаладағы қылмыс саны азайды.
Қылмыстық құқық бұзушылықтардың жалпы ашылуы жақсарды.
Мас күйінде жасалған заңсыз әрекеттер саны 17,3%-ға, қоғамдық орындарда 4,1%-ға, сондай-ақ шешілмеген және өтелмеген істі болған адамдардың жасаған заңсыз әрекеттерінің саны азайды.
– Жалпы, департаменттің жеке құрамы шаһарда тиісті қоғамдық тәртіпті қамтамасыз етіп, қаладағы қылмысты азайту үшін барлық қажетті шараларды қабылдап жатыр. Нәтижесінде тонаумен айналысқан 17 топтың, 65 қарақшылық шабуылдың, 13 көлігін ұрлағандардың, 33 пәтер ұрлығымен айналысқандардың, 20 автокөліктердің ішінен ұрлағандардың, 159-ы қоғамдық орындарда жеке мүлікті ұрлағандардың қылмыстық жолы кесілді, – деді, Алматы қалалық полиция Департаментінің бастығы, полиция генерал-майоры Арыстанғани Заппаров.
Зорлау саны 3,4%-ға, пәтерлердегі ұрлық 6,5%-ға, қалта ұрлығы 2,6 есе, көліктің салонынан ұрлық 2,3 есе, ал интернеттегі алаяқтық 28,4%-ға азайды.
