Алматыда түнгі клубтың бармені есірткі сатқан, – деп хабарлайды Polisia.kz
Мефедрон жеткізу арнасы бойынша жұмыс жасау нәтижесінде Алматыдағы ойын-сауық мекемелерінің бірінің бармені Есірткі қылмысына қарсы күрес басқармасы қызметкерлерінің бақылауына алынды. Әрі әзірлеме барысында оның жұмыс орны – түнгі клубтың барында мефедрон сатуды ұйымдастырғаны анықталды.
Үш күндік бақылаудан кейін жеткілікті дәлелдемелерді алған полицейлер қызды есірткі затын сату кезінде, қылмыс үстінде ұстады. Ұсталған бойжеткеннің үш жыл жұмыс істеген орны – барды тінту және жеке басын қарау кезінде одан сатуға дайындалған мефедрон қаптамалары бар екі темекі қорабы тәркіленді .Тергеу амалдары ұсталған азаматшаның тұрғын үйінде жалғасын тауып, сол жерде жаңа мән-жайлар анықталды. Ұсталған бойжеткеннің көршісі оған түнгі клубтан ортақ достары телефон соғып, құрбысының ұсталғанын айтқанын айтты. Бұл хабарды алған көршісі ұсталған бойжеткен үйінде сақтап қойған есірткі заттарын жасыруды ұйғарған. Бірақ кіреберісте полиция қызметкерлерін көріп, ол мефедронды жасырған жерді және оны орау үшін қажетті құрылғыларды көрсеткен.
Көрші үйдің жанынан есірткі салынған сөмке табылды. Одан сатуға дайындалған 20 доза мефедроннан бөлек, электронды таразы мен қорғауға арналған материал табылды. Ұсталған қыз бен оның құрбысы жалға алған пәтерде тінту барысында есірткі заты салынған тағы 3 пакет тәркіленді. Барлығы 23 граммға жуық мефедрон тәркіленді. Бұл – ұсталған бойжеткеннің жақын күндері сатуды жоспарлаған 77 бір реттік доза.
Есірткі заттарды аса ірі көлемде сату фактісі бойынша сотқа дейінгі іс қозғалды. Осылайша тергеу қорытындысы бойынша 21 жастағы алматылық бойжеткеннің жазасы мүлкін тәркілеумен он жылдан он бес жылға дейін бас бостандығынан айыруды қамтиды.
