Алматыда ұрланған ұялы телефондар синтетикалық есірткіні сатушыдан табылды, – деп хабарлайды Polisia.kz.
Алматы қаласының есірткімен күресушілері Алматы қаласы Наурызбай ауданындағы арнайы мақсаттағы бөлім сарбаздарының көмегімен арнайы іс-шараны жүргізді, оның барысында 1984 жылы туған П.есімді ер адам ұсталды.
– Күдіктінің жалға алған пәтерінде және оның негізгі тұрғылықты жерінде сот санкция берген тінту кезінде ақ ұнтақ заты бар полиэтилен пакеттері, пневматикалық тапанша, қылмыстық жолмен алынған 20-дан астам ұялы телефон, сондай-ақ 10 қол сағаты табылды және тәркіленді. Бумаларда синтетикалық есірткі сақталған. Тәркіленген пакеттердің құрамына сот-химиялық сараптама тағайындалды. Сондай-ақ қару-жарақ, мобильді құрылғылар мен сағаттар полицияның жазбаларымен тексерілуде. Күдікті қамауға алынды, сотқа дейінгі тергеу басталды, – деді Алматы қалалық ПД Есірткі қылмысына қарсы күрес басқармасының бастығы Ерлан Әлмағамбетов.
