Алматыда жасөспірімнен ұялы телефонды ұрлаған ер адам ұсталды, – деп хабарлайды Polisia.kz.
Кәмелетке толмаған туысының ұялы телефоны ұрланды деп полицияға К.есімді азамат жүгінді. Оның айтуынша, ұрлық қаланың іскерлік орталықтарының бірінде орын алған.
– Қыз, белгілі болғандай, қысқа уақытқа заттарын қараусыз қалдырды және біраз уақыттан кейін ұялы телефонының жоғалғанын анықтады. Жедел-іздестіру іс-шараларының нәтижесінде 43 жастағы З.есімді ер адам ұсталды. Ұрлықтың «іздерін мұқият жапқан» күдікті бизнес орталығының бейнебақылау жүйесімен жабдықталғанын және оның әрекеттері камераларға түсіп қалғанын байқамады. Күдікті іс-әрекетін мойындады. Осы факті бойынша ҚР ҚК-нің 188-бабы 1-бөліміне сәйкес сотқа дейінгі тергеу амалдары жүргізілуде. Оның қалада жасалған осыған ұқсас қылмыстарға қатыстылығы анықталып жатыр, – деді Бостандық АПБ жанындағы полиция бөлімінің бастығы Ғалым Қасымбаев.
