8 наурыз қарсаңында Ақмола облысы бойынша ҚАЖД мекемесінің қызметкерлері ерлер арасында сауалнама жүргізіп, әйелдерге арналған құттықтауларды ұйымдастырды, - деп хабарлайды Polisia.kz.
Ақмола облысы бойынша ҚАЖ департаменті ЕЦ-166/18 мекемесінің қызметкерлері әріптес әйелдерді көктем мерекесімен құттықтады.
Ерлер ұжымы бұл күні әріптестерінің арасында “8 наурыз деген не және бұл күн нені білдіреді?” деген сауалнама жүргізді.
- Біздің ұжымдағы ер адамдардың пікірлері бір-біріне сәйкес келді. 8 наурыз - Халықаралық әйелдер күні. Көктемнің ең таңғажайып, ең нәзік мерекесі және әйелге көңіл бөлу, бұл махаббаттың, арман мен сұлулықтың символы, - деді мекеме бастығының орынбасары Иван Падалко.
Мекеменің барлық қызметкерлері әйелдер өкілдерін жылы ілтипатпен және шын жүректен құттықтады.
