Ақмолада жабайы жануарлардың қатысуымен екі жол-көлік оқиғасы тіркелді, – деп хабарлайды Polisia.kz.
Өткен аптада Ақмола облысының аумағында жануарлардың қатысуымен екі жол-көлік оқиғасы тіркелді. Оның бірі «Нұр-Сұлтан-Петропавловск» автожолының 148-шақырымында Toyota Camry маркалы автокөлігі мен бұланның қатысуымен болды.
Екінші оқиға Ақкөл қаласына жетпей, Lexus RX 350 маркалы автокөлігі мен еліктің қатысуымен болды.
Полицейлер оқиға орнына жеткен кезде жаралы жануарлар өліп қалған. Тәртіп сақшылары бұл жол-көлік оқиғаларын негізінен жылдамдық режимін бұзумен байланыстырады.
