7 тамыз күні Степногорск қаласы полиция басқармасының қызметкерлері қолдан жасалған сәйкестендіру нөмірі бар көлік құралын өткізу дерегін анықтады, – деп хабарлайды Polisia.kz.
66 жастағы ер адам Lexus LX570 маркалы көлігін заңдастыру үшін арнайы ХҚКО-ға жүгінген. Есептен шығару кезінде бұл мемлекеттік нөмір Ресей Федерациясында қамауға алынғаны анықталды.
Осы дерекке қатысты полицейлер ҚР ҚК-нің 386-бабы (Көлік құралының сәйкестендіру нөмірін қолдан жасау, жою, көрінеу қолдан жасалған сәйкестендіру нөмірі бар көлік құралын өткізу) бойынша сотқа дейінгі іс жүргізуді бастады.
Сараптама тағайындалды. Тәртіп сақшылары анықтағандай, ер адам 2014 жылы осы автокөлікті сатып алып, оны Қазақстанда есепке қойған. Алайда, полицейлердің айтуынша, Ресейде сатып алғаннан кейін 2 айдан соң олар бұл көлікті іздеуде деп жариялаған.
Айта кететін жайт, бұл мұндай құқық бұзушылықтардың алғашқы жағдайы емес.
– Автокөліктерде бірдей нөмірлер болмауы керек, бұл бірегей тіркеу белгісі және бір елде бірдей нөмірлер болмауы тиіс. Бұл жағдайда жалған нөмір болған шығар. Мүмкін, бұл кез-келген заңсыз әрекеттерді жасау үшін жасалған немесе мәліметтер базасына ақпаратты енгізу кезінде қате жіберілген болуы тиіс. Кәсіби жалғандық арнайы жабдықты қажет етеді: пленкалар, бояулар және т.б. Бірақ полиция қызметкерлері «жалған» нөмірін нақтысынан ажырата алады, – деп түсіндірді полицейлер.
